منتديات بغداد
اهلا وسهلا بك في منتديات بغداد
منتديات بغداد
اهلا وسهلا بك في منتديات بغداد
منتديات بغداد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات بغداد


Free CursorsM
 
الرئيسيةأحدث الصورالتسجيلدخول
اهــــــــــــــــــــــــــــــــلا وسهــــــــــــــــلا بكم في منتديات بغـــــــــــــــــــداد مع تحيات احمـــــــــــــــــد محمــــــــــــــد هادي

 

 تاريخ الاختراق والانترنيت

اذهب الى الأسفل 
كاتب الموضوعرسالة
احمد العراقي
المدير العام
المدير العام
احمد العراقي


ذكر
130
نقاط : 16366
0
تاريخ التسجيل : 14/08/2009
العمر : 34

تاريخ الاختراق والانترنيت Empty
مُساهمةموضوع: تاريخ الاختراق والانترنيت   تاريخ الاختراق والانترنيت I_icon_minitimeالخميس سبتمبر 03, 2009 10:47 am

تاريخ الاختراق والانترنت

نقسم موضوعنا لخمسة اقسام :-

1- نبذة تاريخية عن الاختراق

2- ديناميكية الاختراق ......... ويتفرع منه " مصطلحات الاختراق "

3- كيفية الحماية من الاختراق

4- معالجة اثار الاختراق

5- برامج الحماية من الاختراق




تاريخ الاختراق
************
اغلبية مستخدمى الكمبيوتر يظنوا ان الاختراق قد بدا ببدء شبكة الانترنت او باختراع الحاسب الالى , لكن الاختراق بدا من فترة طويلة حتى قبل اختراع الحاسب .

لكن حقيقة الاختراق بدا من بداية الحرب العالمية الثانية فى الوقت ده قامت امريكا وبريطانيا بتجنيد افضل العناصر لديهم والموهوبين فى علم الرياضيات لكى يفكوا شفرات دول المحور واستطاع هؤلاء الاشخاص فك رموز شفرات الالة الالمانية الرهيبة " انيجما" Inegma
حتى قبل وصولها لاصحابها ودول كانوا الرعيل الاول للمخترقين او الهاكرز

بعد ان وضعت الحرب اوزارها تم تصنيع اول ديناصور معدنى ف التاريخ قصدى كمبيوتر بس طبعا مكنش زى دلوقتى كان عبارة عن عمارة ومزود بصمامات تبريد .... هيصة يعنى

فى عام 1957 العالم فوجئ باطلاق اول قمر صناعى يدور حول الارض واطلقه الروس وكان يحمل اسم سبوتنيك

فى الوقت ده امريكا تنبهت لخطورة الوضع الروسى وقامت بانشاء وكالة اسمها ARPA ودى اختصار ل

ADVANCED RESEARCH PROJECTS AGENCY

يعنى وكالة ابحاث المشروعات المتطورة والوكالة دى قامت بتقديم تقرير سرى عام 1964 يقترح عدم مركزية الاتصالات والقيادة ف الولايات المتحدة الامريكية حتى يمكن السيطرة ع الجيش والبلاد اذا تم ضرب القيادة الرئيسية وبالفعل تم تنفيذ الاقتراح وتم بناء ARPA NET الشبكة الجدة لانترنت . والتى ربطت بين لوس انجلوس وستانفورد و يوتاه وسانتا بار بارا

لغاية دلوقتى مظهرش الهاكر بمعناه الحالى عشان كانت الخدمة دى مقصورة فقط ع الجهات السيادية ف امريكا

وطبعا مكنش ينفع ان حد يشترى كمبيوتر ف الوقت ده لان ثمنه كان 3 مليون دولار تقريبا ومحتاج 20 متر مربع عشان يوضع فيه .

بعد ما تم ااكتشاف اشباه الموصلات فى السبعينات واوائل الثمنانيينات تم صنع اول اجهزة كمبيوتر شخصية فى شركتى ابل واى بى ام .

وفى منتصف الثمانينات تم انشاء ASSN الشبكة الام لانترنت ودى كانت بتسمح للمشتركين انهم يتصلوا عشان يعرفوا اسعار البورصة وكانت الساعة تتكلف حوالى 150 دولار والكلام ده كان عام 1987

ومن هنا بدا اولى عمليات الاختراق للشبكات وكان بيسموا اللى بيخترقوا ويتصلوا من غير ما يدفعوا رسوم اشتراك PHREAK
وبدات العملية تتطور لغاية وقتنا الحاضر.

وكفاية كلام بقى عن تاريخ الاختراق وندخل فى الجد شوية


يتبع

_________
راحت سنين سنين من عمري وشلون راحت??? اني ما ادري !!!!


تاريخ الاختراق والانترنيت Image الفصل الثانى : ديناميكية الاختراق
************ ********


مصطلحات الاختراق

السيرفر = الباتش =الخادم = حصان طروادة = التروجان =SERVER= >>>>>>>>>>>>............ ... مصيبة سودة بتدخل جهازك
الكلاينت = العميل =CLIENT =>>>>>>>>>>>>>>>>> وسيلة الاتصال بجهازك بين السيرفر والمخترق
الهاكر = المخترق = >>>>>>>>>>>>> فاعل الخير اللى بيدعبس فى جهازك
الضحية = VICTIM =>>>>>>>>>>>> الشخص الخايب والموكوس اللى المفروض يقعد على اتارى مش كمبيوتر ........... حضرتك
البورت = المنفذ = الخليج = الثغرة = = PORT>>>>>>>>>>>>>>>>>> نقطة ضعف جهازك
الايبى = IP = >>>>>>>>>>>>>>> بصمتك على الانترنت
دول اللى بتقوم عليهم فكرة الاختراق ....... بس برضه ازاى بيحصل ؟؟؟؟؟؟؟؟ ركز معايا

هنفترض ان ادهم صبرى بتاع رجل المستحيل المخابرات كلفته بمهمة انه يتجسس ويعرف اسرار منشاة مايعنى هيكون ( سيرفر ) . المهم ادهم ما يعرفش مكان الموقع اللى عايزينه يتجسس عليه
فيعمل ايه لازم يجيب خريطة ( الايبى ) عشان يحدد مكان المنشاة ( جهازك ) وفعلا جاب الخريطة وراح للمنشاة و لقى المكان متحصن اوى فضل يلف حواليه لقى باب صغير مفتوح ( بورت ) راح داخل منه للمنشاة وفضل يتجسس ويشوفها من جوه . طب هوه عايز يبعت للقيادة فى مصر المعلومات راح مطلع جهاز اتصال صغير ( الكلاينت ) وراح مبلغهم بكل حاجة جوه المنشاة .

الية الاختراق = نفس القصة اللى فاتت واعتقد انها ان شاء الله اتفهمت .

لغاية كده اعتقد ان الامور كلها واضحة ومفيش مشاكل باذن الله

السؤال الجوهرى : ازاى المخترق بيعرف الايبى بتاعى وازاى بيعرف البورت ؟؟؟؟؟؟؟؟

الاختراق عندنا يا شباب نوعين :-

1-اختراق عشوائى ( وده بيحصل بالصدفة , بمعنى ان المخترق مش بيكون عارفك لكن كل اللى حصل انه عمل سكان ببرنامج مسح لالابيهيات فلقى بورت مفتوح فى جهازك ودخل عن طريق البورت لجهازك ......... شفت حظك الاسود !!!!!!!!!!!! !! )

2-اختراق لشخص محدد ( فى الحالة دى بقى المخترق عارفك وعنده سبق اصرار وترصد انه يخترق جهازك . فيبدا بارسال الباتشات اليك عن طريق الايميل ..... او عن طريق التشات . وطبعا فيه مننا ناس بتموت من الفرحة اول ما بتلاقى رسالة فى ال INBOX بتاعه !!!!!!!!! يروح فاتحها على طوووووووووووول ......... وبوووووووووووم الجهاز تم اختراقه )


سؤال تانى : لو المخترق معرفش الايبى بتاع حهازى او مكنش فيه بورت مفتوح فى جهازى يقدر يدخل الجهاز ؟

طبعا لا . لان بدون اى واحد فيهم لا تتم عملية الاختراق

طب معلش كمان سؤال : ايه هوه الفير وول FIRE WALL ؟

الجدار النارى او الحائط النارى ........ دى عبارة بتطلق على برنامج بيقوم بحماية جهازك من الاختراق حتى ولو فيه بورت مفتوح ........ مش فاهم ......... ركز فى المثال اللى جاى
اتفقنا ان ادهم صبرى ( السيرفر ) لقى باب صغير( البورت ) يقدر يدخل منه للمنشاة ( جهازك) . وادهم لسه بيدخل من الباب الصغير لقى واحد ضربه على راسه ( الفير وول ) ومنعه انه يدخل المنشاة ( الجهاز) بالرغم ان الباب مفتوح ( البورت ) .......... يا رب تكون وصلت

سؤال : ما هو افضل حائط نارى ؟

فيه كتير زى مكافى .......... نورتون ......... زون الارم ......... كاسبرسكاى ............سيجيت تونى فيروول ........... وغيرهم كتير ......... انا عن نفسى بفضل الزون الارم لانه بجد اثبت كفاءة عالية جدا

للامانة
******

انا قريت المقال ده وحبيت انى احطه من باب الامانة العلمية

( تحذيرالى المستخدمين العرب الذين يستخدمون برنامج الجدار الناري zone alarm فلقد قامت شركة برمجيات اسرائيلية تسمي check point بشراء شركة zone labs بقيمة 205 مليون دولارمنذ ايام معدودة.
شركة chek point - الذي يعني بالعربية حاجز تفتيش - هي من انشاء ضابط اسرائيلي يدعي شارون كارمل مع زميل له في المخابرات العسكرية للجيش ويدعي جيل شويد الذي يرأس الشركة حاليا وقد قضي هؤلاء فترة خدمتهن الالزامية في تطوير أنظمة حاسوبية لمحاكاة ساحات القتال وتدريب جنود الاحتلال علي المعارك، وفي تطوير وسائل ربط شبكات حاسوبية عسكرية عالية الأمان ويقر كثير من رؤساء شركات أمن المعلومات في اسرائيل بأن سنوات الخدمة الالزامية كانت الارض الخصبة لابتكار التقنيات الحديثة التي امكن تطبيقها تجاريا بعد انهاء الخدمة الالزامية.

وهذا يتيح للكيان الصهيوني مراقبة ما يحدث على الشبكة او بمعنى أصح التجسس على مل يسمى بالدول المعادية لاسرائيل - العرب بالطبع –وذلك في اطار ما يسموه الحملة العالمية علي الارهاب (العرب) في نظرهم، وفوق ذلك تدفع هذهالشركة الضرائب من الايرادات التي التي تجنيها من بيع برامجها الىالحكومة الاسرائيلية وتنفقه الحكومة في تطوير وزيادة عدة الجيش التي يقاتلون بها الفلسطينيو ن الآن وغدا العرب.
انصحكم اخوتي بعدم استخدام هذا البرنامج بعد الآن بنسختيه الشخصية..........)

طبعا رايى ان الموضوع مش يهمنا فى اى حاجة لعدة اسباب :-

1-اجهزتنا مش اجهزة مخابرات فيها معلومات حساسة عشان يتجسسوا علينا
2-العدد المهول للمستخدمين بيمنع من حكاية التجسس دى بالرغم من صعوبتها العملية
3-احنا مش بنشترى البرامج وطبعا كل برامجنا بدءا من نظام التشغيل وحتى WIN ZIP ........ مضروبة وبلاليشو يبقى عادى

اشوفك على خير فى الفصل الثالث ان شاء الله

lol!
الرجوع الى أعلى الصفحة اذهب الى الأسفل
https://ahmed-iraqi.ahlamontada.com
 
تاريخ الاختراق والانترنيت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بغداد :: منتدى الكمبيوتر والانترنيت :: قسم الاختراق والهكرز-
انتقل الى: